Three Rules

Ella Sandoval, 25 years old, maganda at sexy. Pangarap na maging sikat na designer. Mahilig makipagnobyo sa mayayaman na lalaki upang makuha ang luho at maitulong ang pera sa kaniyang mga magulang. Marami sa mga lalaki ay sinasamba siya, ngunit hindi pagdating kay Herbert Gutierrez.

Si Herbert ay isang manunulat ng libro. Tahimik, seryoso at masungit. Wala siyang ibang ginagawa sa buhay kundi ang ilaan ang oras sa pagsusulat.

Inakala ni Ella na walang mararating si Herbert dahil sa manunulat lang ito. Inisip niya na baka maputol ang mga pangarap niya sa buhay kung papansinin niya ang napakaantipatikong si Herbert. Ngunit sa hindi inaasahan na pagkakataon, matutuklasan ni Ella na si Herbert pala ay isang bilyunaryong nagmamay-ari ng malaking hotel sa Maynila.

Magbabago ang lahat at sisimulan niyang akitin ang binata hanggang sa mahulog ang loob nito sa kaniya. Ngunit ang hindi niya alam ay handa si Herbert sa mga ginagawa niya at nakaabang ang parusa para sa kaniya.